الأربعاء , 20 نوفمبر 2019
أهم الأخبار
الرئيسية 1 مصر بعد 3 يوليو 1 شهادات 1   قصة تعيين السيسي مديرا للمخابرات الحربية
تعيين السيسي مديرا للمخابرات الحربية
تعيين السيسي مديرا للمخابرات الحربية

  قصة تعيين السيسي مديرا للمخابرات الحربية

 

 كتب المستشار وليد شرابي علي صفحته الرسمية بموقع “الفيسبوك ” :حدث هذا في غضون شهر أكتوبر ٢٠١٠ وكان حسني مبارك في أشد سلطانه والجميع يرقب تقدم جمال مبارك بخطى ثابته نحو كرسي والده ومقربا منه خلال تلك الفترة رجل الأعمال أحمد عز عضو لجنة السياسات بالحزب الوطني الحاكم آنذاك وكان السيسي قائدا للمنطقة الشمالية للقوات المسلحة بالأسكندرية ،وكان أحد الزملاء ( مستشار ) على موعد مع رجل الأعمال أحمد عز في مكتبه بالأسكندرية وما ان وصل إلى مكتب عز وجد ضابطي جيش لا يعرفهما أحدهما برتبة لواء والأخر برتبة عميد يجلسان في مكتب السكرتارية في انتظار ان يسمح لهما عز بالدخول .


أبلغ زميلي السكرتارية بتواجده فابلغت السكرتيرة عز والذي سمح لزميلي بالدخول مباشرة .
وبعد السلام والجلوس سأل زميلي أحمد عز مين ضباط الجيش اللي بره دول يا باشا ؟
عز : ده اللواء السيسي قائد المنطقة الشمالية والتاني ماعرفوش
المستشار : وده عايز ايه من سعادتك ؟
عز : حيطلع معاش الحركة اللي جاية وعايزني اتوسط له علشان يكمل ومايطلعش .
المستشار : وانت ناوي تساعده يا باشا ؟
عز : لسه حاشوف.
ثم ضغط على زر الاتصال بالسكرتارية ( دخلي اللواء السيسي لوحده وخلي الضابط التاني قاعد عندك بره )
دخل السيسي وادى التحية العسكرية إلى أحمد عز الذي سلم عليه بيده ثم جلس عز ولم يجلس السيسي .


فقال عز : أقعد يا سيادة اللواء … خير طالب تقابلني بقالك فترة علشان موضوع حركة التنقلات والمعشات عندكم.
السيسي : يا فندم حضرتك عارف قد ايه اخلاصي لحضرتك ولسيادة الرئيس وللرئيس القادم – جمال مبارك – بعد عمر طويل ان شاء الله ،وأقسم لسيادتكم بالله أن رغبتي في الاستمرار مش علشان مصلحة خاصة ولكن علشان استمر في خدمتكم من خلال أي موقع مناسب .
عز : انت عايز تمسك فين في الحركة اللي جاية ؟
السيسي : المكان اللي سعادتك شايف اني ممكن أخدم حضراتكم من خلاله
ضحك عز ضحكة عالية الصوت وضحك المستشار.
ثم قال عز : خلاص سيب موضوعك وانا حاتصرف.
السيسي : بجد يا فندم
عز : ما خلاص بأه سيبني عايز اشوف شغلي
السيسي : قام مسرعا وادى التحية العسكرية لعز ثم انصرف .
المستشار مخاطبا عز : انت فعلا ناوي تساعده يا باشا
عز : أنا حاوديه مكان ماكنش يحلم بيه لكن لازم أرتب مع المشير .
ومضت أسابيع قليلة ثم صدرت حركة ترقية ونقل الضباط وتم تعيين السيسي مديرا للمخابرات الحربية .

المصدر صفحة جمال علام  بموقع الفيسبوك في 4 مايو 2019

شاهد أيضاً

عائشة الشاطر تواجه الموت  داخل السجن

منظمة حقوقية تحذر من «وفاة حتمية»  لعائشة الشاطر في السجن

حذرت منظمة حقوقية عربية من تعرض عائشة الشاطر، ابنة القيادي بجماعة الإخوان المسلمين في مصر خيرت ...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *